ദുബായ് > ഇസ്രായേലും ഹിസ്ബുള്ളയും തമ്മിലുള്ള സംഘർഷത്തെ തുടർന്ന് യുഎഇയിലെ രണ്ട് വിമാനക്കമ്പനികൾ ബെയ്റൂട്ടിലേക്കുള്ള വിമാന സർവീസുകൾ നിർത്തിവച്ചു. സെപ്തംബർ 24, 25 തീയതികളിലെ ദുബായ്ക്കും ബെയ്‌റൂട്ടിനുമിടയിലുള്ള വിമാന സർവീസുകൾ ബജറ്റ് കാരിയർ ഫ്ലൈ ദുബായ്, എത്തിഹാദ് എയർവേയ്സ് എന്നിവയാണ് റദ്ദാക്കിയത്.
“നിലവിലുള്ള ബുക്കിംഗുകളുള്ള യാത്രക്കാരെ അവരുടെ റീബുക്കിംഗ് അല്ലെങ്കിൽ റീഫണ്ട് ഓപ്ഷനുകൾ സംബന്ധിച്ച് ബന്ധപ്പെടും,” ഫ്ലൈ ദുബായ് വക്താവ് ചൊവ്വാഴ്ച പറഞ്ഞു. അബുദാബി ആസ്ഥാനമായ ഇത്തിഹാദ് എയർവേയ്‌സും സെപ്തംബർ 24ന് ബെയ്‌റൂട്ടിലേക്കും തിരിച്ചുമുള്ള സർവീസുകൾ റദ്ദാക്കി. അബുദാബിയിൽ നിന്ന് ബെയ്റൂട്ടിലേക്കുള്ള EY535 (BEY), ബെയ്‌റൂട്ടിൽ നിന്ന് അബുദാബിയിലേക്കുള്ള EY538 വിമാനങ്ങളാണ് റദ്ദാക്കിയത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
