അബുദാബി> അബുദാബി - എമിറാത്തി സാംസ്കാരിക പാരമ്പര്യവും നൂതന സവിശേഷതകളും സമന്വയിപ്പിക്കുന്ന ഒരു അതുല്യമായ ഇവൻ്റായ 20-ാമത് അബുദാബി ഇൻ്റർനാഷണൽ ഹണ്ടിംഗ് ആൻഡ് ഇക്വസ്ട്രിയൻ എക്സിബിഷന് (അഡിഹെക്‌സ് 2024) ഒരുങ്ങുകയാണ് അഡ്‌നെക് ഗ്രൂപ്പ്. അൽ ദഫ്ര മേഖലയിലെ പ്രതിനിധിയും എമിറേറ്റ്‌സ് ഫാൽക്കണേഴ്‌സ് ക്ലബ് ചെയർമാനുമായ ശൈഖ് ഹംദാൻ ബിൻ സായിദ് അൽ നഹ്യാൻ്റെ നേത്വത്തിൽ, എമിറാത്തി സാംസ്കാരിക പാരമ്പര്യങ്ങളും പൈതൃകവും സമന്വയിപ്പിച്ച് എക്‌സിബിഷൻ 2024 ഓഗസ്റ്റ് 31 മുതൽ സെപ്റ്റംബർ 8 വരെ അബുദാബി അഡ്‌നെക് സെൻ്ററിൽ നടക്കും.
ക്യാപിറ്റൽ ഇവൻ്റ്‌സും എമിറേറ്റ്‌സ് ഫാൽക്കണേഴ്‌സ് ക്ലബ്ബും ചേർന്ന് സംഘടിപ്പിക്കുന്ന പരിപാടിയിൽ എക്‌സിബിഷനുകൾ, പരമ്പരാഗത പ്രകടനങ്ങൾ, ചരിത്ര പ്രദർശനങ്ങൾ എന്നിവയിലൂടെ യുഎഇയുടെ സമ്പന്നമായ സാംസ്കാരിക പൈതൃകം പ്രദർശിപ്പിക്കും. എല്ലാ പ്രായക്കാർക്കും വേണ്ടിയുള്ള മൾട്ടി-കൾച്ചറൽ, വിദ്യാഭ്യാസ, സംവേദനാത്മക പ്രവർത്തനങ്ങൾ അരീനയിൽ അവതരിപ്പിക്കും.
അഡിഹെക്‌സ് ലേലത്തിൽ വിവിധ ഫാൽക്കണുകൾ അവതരിപ്പിക്കുന്നു. ഒരു പ്രത്യേക ഏരിയയിൽ പ്രദർശിപ്പിച്ചിരിക്കുന്ന പ്രീമിയം ഫാൽക്കണുകൾക്കായി ലേലക്കാർക്ക് ഇപ്പോൾ ഓൺലൈനായി ലേലം വിളിക്കാം. അഡിഹെക്‌സ് ഡെയ്‌ലി ഫാമിലി ഷോ, മൃഗങ്ങളുടെ കഴിവുകൾ, ചരിത്രം, പൈതൃകം എന്നിവ ആഘോഷിക്കുന്നു, അബുദാബി പോലീസ് ഷോകേസ്, ക്രൈം സീൻ പുനരാവിഷ്‌ക്കരണം എന്നിവ പോലുള്ള പ്രകടനങ്ങൾ എക്‌സിബിഷനിൽ അവതരിപ്പിക്കുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
