മസ്ക്കത്ത് > ദീർഘകാലത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന ഒമാനിലെ പ്രശസ്ത നാടക, കലാ പ്രവർത്തകൻ പത്മനാഭൻ തലോറയ്ക്ക് ഇന്ത്യൻ സോഷ്യൽ ക്ലബ് കേരളാ വിഭാഗം യാത്രയപ്പ് നൽകി. ഒക്ടോബർ 21ന് ഡാർസൈറ്റിലെ ഐ എസ് സി ഹാളിൽ വച്ച് നടത്തിയ പരിപാടിയിൽ കേരളാ വിങ് കൺവീനർ സന്തോഷ് കുമാർ അദ്ധ്യക്ഷത വഹിച്ചു.
പ്രവാസി ക്ഷേമനിധി ബോർഡ് അംഗം ശ്രീ വിൽസൺ ജോർജ്ജ്, ഐ എസ് സി ജനറൽ സക്രട്ടറി ഷക്കീൽ കോമോത്ത്, കേരളാവിഭാഗം കോ കൺവീനർ വിജയൻ കെ വി, സ്പോർട്സ് സെക്രട്ടറി സന്തോഷ് എരിഞ്ഞേരി കേരള വിങ് മാനേജ്‌മെൻ്റ് കമ്മറ്റി അംഗങ്ങൾ, ഒമാനിലെ വിവിധ കലാ സാംസ്കാരിക പ്രവർത്തകർ തുടങ്ങിയവർ സംസാരിച്ചു. കേരള വിംങിൻ്റെ ഉപഹാരം കേരളാവിംഗ് മാനേജിംഗ് കമ്മിറ്റി അംഗങ്ങളും, വിൽസൻ ജോർജ്ജ്, ഷക്കീൽ കോമോത്ത് എന്നിവരും ചേർന്ന് പത്മനാഭൻ തലോറക്ക് കൈമാറി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
