മലയാളം മിഷന്‍: ഷാര്‍ജ മേഖലാ പ്രവേശനോത്സവം ഫെബ്രുവരി 1ന്

യുഎഇ> മലയാളം മിഷന്‍ ഷാര്‍ജ മേഖലാ പ്രവേശനോത്സവം ഫെബ്രുവരി 1ന്  വൈകിട്ട് 7 മണിക്ക് ഷാര്‍ജ ഇന്ത്യന്‍ അസോസിയേഷന്‍ ഹാളില്‍ നടക്കും. മലയാളം മിഷന്‍ ഗവേണിങ് ബോഡി അംഗവും, കേന്ദ്ര സാഹിത്യ അക്കാദമി അവാര്‍ഡ് ജേതാവുമായ കെ പി രാമനുണ്ണിയാണ് ചടങ്ങില്‍ മുഖ്യാതിഥിയായി എത്തുന്നത്. 

ഷാര്‍ജയുടെ വിവിധ ഭാഗങ്ങളില്‍ നിന്നുള്ള മലയാളം മിഷന്‍ സെന്ററുകള്‍ അവതരിപ്പിക്കുന്ന വ്യത്യസ്തമായ കലാപരിപാടികള്‍, ഒരു വീട്ടില്‍ നിന്നും ഒരു കുട്ടി ഒരക്ഷരം തയ്യാറാക്കി കൊണ്ടുവന്ന് അക്ഷരമരം അലങ്കരിക്കല്‍, പുരാവസ്തു പ്രദര്‍ശനം, സാഹിത്യ പ്രദര്‍ശനം, എന്നിങ്ങനെ വൈവിധ്യമാര്‍ന്ന പരിപാടികളാണ് ഇതിന്റെ ഭാഗമായി അരങ്ങേറുന്നത്.


 

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..