അബുദാബി > അൽ ഐൻ ഈന്തപ്പഴ ഉത്സവത്തിന്റെ ആദ്യ പതിപ്പ് 2025 ജനുവരി 3 മുതൽ 8 വരെ അൽ ഐൻ സിറ്റിയിൽ നടക്കുമെന്ന് അബുദാബി ഹെറിറ്റേജ് അതോറിറ്റി അറിയിച്ചു. അൽ ഐൻ എലൈറ്റ്, ഖലാസ്, ഫർദ്, ദബ്ബാസ്, ബുമാൻ, ഷീഷി, സാംലി തുടങ്ങിയ വിഭാഗങ്ങളിലായി ഏഴ് പ്രധാന ഈന്തപ്പഴ മത്സരങ്ങൾ ഉൾപ്പെടെ ഈന്തപ്പഴ വിളവെടുപ്പ് കാലം ആഘോഷിക്കുന്ന വിവിധ മത്സരങ്ങളും പരിപാടികളും ഫെസ്റ്റിവലിൽ ഉണ്ടായിരിക്കും.
ഈന്തപ്പഴ ലേലം, ഈന്തപ്പഴക്കടകൾ, പൈതൃക ഗ്രാമം, പ്രദർശന പവലിയനുകൾ, കുട്ടികളുടെ കോർണർ, കരകൗശല സ്ത്രീകൾക്കുള്ള ഒരു വിഭാഗം, ഫോട്ടോ പ്രദർശനം, നാടോടി കലാ പ്രകടനങ്ങൾ എന്നിവയും ഫെസ്റ്റിവലിൽ ഉൾപ്പെടും. സാമ്പത്തിക വൈവിധ്യവൽക്കരണത്തിൽ ഈന്തപ്പഴത്തിന്റെ പങ്ക്, ദേശീയ സമ്പദ്‌വ്യവസ്ഥയിലേക്കുള്ള അവയുടെ സംഭാവന, രാജ്യത്തിന്റെ ഭക്ഷ്യസുരക്ഷാ സംവിധാനത്തിന്റെ ശക്തിപ്പെടുത്തൽ എന്നിവയ്ക്ക് ഈന്തപ്പഴ ഉത്സവം ഊന്നൽ നൽകും.
യുഎഇയുടെ സമ്പന്നമായ പൈതൃകം, പ്രത്യേകിച്ച് ഈന്തപ്പനയെ സംരക്ഷിക്കാനും ഭക്ഷ്യസുരക്ഷ വർദ്ധിപ്പിക്കുന്നതിനുള്ള നേതൃത്വത്തിന്റെ ശ്രമങ്ങളെ പിന്തുണയ്ക്കാനും ലക്ഷ്യമിട്ട പരേതനായ ശൈഖ് സായിദ് ബിൻ സുൽത്താൻ അൽ നഹ്യാന്റെ ദർശനവുമായി ഈ ഉത്സവം യോജിക്കുന്നു. എമിറാത്തി ഈത്തപ്പഴത്തിനായി ഒരു പ്രത്യേക വിപണി സ്ഥാപിക്കുക, കർഷകർക്കിടയിൽ അറിവ് കൈമാറ്റം സാധ്യമാക്കുക, ആധുനിക കാർഷിക സാങ്കേതിക വിദ്യകൾ പ്രോത്സാഹിപ്പിക്കുക, രാജ്യത്തിന്റെ സാംസ്കാരികവും കാർഷിക പാരമ്പര്യങ്ങളും സംരക്ഷിക്കുക, സമൂഹത്തിനുള്ളിൽ കൃഷിയെക്കുറിച്ചുള്ള ആഴത്തിലുള്ള വിലമതിപ്പ് പ്രോത്സാഹിപ്പിക്കുക എന്നിവയാണ് ഉത്സവത്തിന്റെ ലക്ഷ്യം.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
