ദുബായ് > ലെബനനു വേണ്ടി യുഎഇ നടത്തുന്ന മാനുഷിക സഹായ ശ്രമങ്ങൾ തുടരുന്നു. മെഡിക്കൽ, ഭക്ഷ്യ വിതരണങ്ങൾ, ആംബുലൻസുകൾ, ഷെൽട്ടർ ഉപകരണങ്ങൾ എന്നിവയുമായി യുഎഇ മൂന്ന് വിമാനങ്ങൾ കൂടി അയച്ചു. 'യുഎഇ ലെബനനൊപ്പം നിൽക്കുന്നു' എന്ന ദേശീയ ദുരിതാശ്വാസ കാമ്പയിന്റെ ഭാഗമായി 515 ടൺ സഹായ സാമഗ്രികളുമായി രാജ്യം ഇതുവരെ 12 വിമാനങ്ങൾ അയച്ചിട്ടുണ്ട്.
ലോകാരോഗ്യ സംഘടന, അഭയാർത്ഥികൾക്കായുള്ള ഐക്യരാഷ്ട്ര ഹൈക്കമ്മീഷണർ, ഇൻ്റർനാഷണൽ ഫെഡറേഷൻ ഓഫ് റെഡ്‌ക്രോസ്, റെഡ് ക്രസൻ്റ് സൊസൈറ്റികൾ തുടങ്ങിയ അന്താരാഷ്ട്ര സംഘടനകളുമായി കാമ്പയിൻ ഏകോപിപ്പിച്ചു. ഒക്ടോബർ 8-നാണ് കാമ്പയിൻ ആരംഭിച്ചത്. യുഎഇ രാഷ്‌ട്രപതി ശൈഖ് മുഹമ്മദ് ബിൻ സായിദ് അൽ നഹ്യാന്റെ നിർദേശപ്രകാരം ഉപരാഷ്ട്രാപതിയും ഉപപ്രധാനമന്ത്രിയും പ്രസിഡൻഷ്യൽ കോടതി ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാന്റെ പിന്തുണയോടെയാണ് കാമ്പയിൻ ആരംഭിച്ചത്.
ലെബനൻ അഭയാർഥികൾക്കായി 120 ടൺ സഹായ സാമഗ്രികളുമായി മൂന്ന് വിമാനങ്ങൾ കൂടി യുഎഇ അയച്ചത് രാജ്യത്തിന്റെ മാനുഷിക പ്രതിബദ്ധതയും ആഗോള ഉത്തരവാദിത്തവും ദുഷ്‌കരമായ സമയങ്ങളിൽ ജനങ്ങൾക്കും സമൂഹത്തിനും ഒപ്പം നിൽക്കാനുള്ള യുഎഇയുടെ മാനുഷിക പ്രതിബദ്ധതയും ആഗോള ഉത്തരവാദിത്തവുമാണെന്ന് വിദേശകാര്യ സഹമന്ത്രി സുൽത്താൻ മുഹമ്മദ് അൽ ഷംസി പറഞ്ഞു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
