സോഹാർ > സുഹാർ ഫെസ്റ്റ് വെല്ലിൽ പ്രവാസികളുടെ സാന്നിധ്യവും വൈവിധ്യവും കൊണ്ടാടാൻ ആഴ്ചയിൽ ഒരു ദിനം. എല്ലാ ശനിയഴ്ചകളുമാണ് പ്രവാസി കളുടെ ദിനമായി പ്രഖ്യാപിച്ചത്. പ്രവാസികൾക്ക് ആഘോഷമാക്കാൻ കലാ സാംസ്കാരിക പരിപാടികൾ സമന്വയിപ്പിക്കുന്ന നഗരിയിൽ ഇതൊരു നല്ല തുടക്കമാകും. നാനാരാജ്യങ്ങളിലെ ജനങ്ങൾ അധിവസിക്കുന്ന ഒമാനിൽ ഒരു കലാ സാംസ്കാരിക പൈതൃക പരിപാടിയിൽ പ്രവാസികളെയും ചേർത്ത് പിടിച്ചു 'വീക്കിലി എക്സ്പാറ്റ് ഡെ 'എന്നപേരിൽ അവശ പരമായ പുതിയ ഫീച്ചർ അവതരിപ്പിച്ചിരിക്കയാണ് അധികൃതർ. അൽ ബാത്തിന നോർത്ത് ഗവർ ണറുടെ ഓഫീസാണ് ഈ വർഷം മുതൽ പുതിയ ദിനം പ്രഖ്യാപിച്ചത്
ബഹുസ്വര സംസ്കാരത്തിൻ്റെ വർണ്ണാഭമായ ആഘോഷത്തിലൂടെ ആളുകളെ ഒന്നിപ്പിക്കാൻ ലക്ഷ്യമിടുന്ന പുതിയ നീക്കം ശ്രദ്ധേയമാകുമെന്ന കാര്യത്തിൽ സംശയമില്ല. നഗരിയിൽ അരങ്ങേറുന്ന മിന്നുന്ന പ്രകടനങ്ങൾ മുതൽ രുചികരമായ അന്താരാഷ്‌ട്ര ഭക്ഷണവിഭവങ്ങൾ വരെ, എല്ലാവിഭാഗം ജനങ്ങൾക്കും എന്തെങ്കിലും പ്രദാനം ചെയ്യുന്ന സംസ്കാരത്തിൻ്റെ ചലനാത്മകമായ പ്രദർശനമാണ് എക്സ്പാറ്റ് ഡേ. സുഹാർ ഫെസ്റ്റിവലിൻ്റെ ഇവൻ്റ് കമ്മിറ്റി തലവൻ ഡോ അബ്ദുൾറഹ്മാൻ അൽ ഖാസ്മി ഈ പ്രത്യേക പതിപ്പിനോടുള്ള തൻ്റെ ആവേശം പ്രകടിപ്പിച്ചു. 'പ്രതിവാര പ്രവാസി ദിനം ഒരു സംഭവം മാത്രമല്ല സമൂഹങ്ങളെ ബന്ധിപ്പിക്കുന്ന പാലമാണിത്. ' സാംസ്കാരിക വിനിമയത്തിനുള്ള ഞങ്ങളുടെ പ്രതിബദ്ധതയെ ഇത് പ്രതിഫലിപ്പിക്കുന്നു.
ആളുകൾക്ക് അവരുടെ വ്യത്യാസങ്ങൾ പഠിക്കാനും പങ്കിടാനും ആഘോഷിക്കാനും ഒരുമിച്ചുകൂടാനുള്ള ഇടം നൽകുന്നു. അവിസ്മരണീയമായ അനുഭവം വാഗ്ദാനം ചെയ്ത് കഴിഞ്ഞ ശനിയാഴ്ചയാണ് ആഘോഷങ്ങൾക്ക് തുടക്കമായത്. ലോകമെമ്പാടുമുള്ള സംവേദനാത്മക സാംസ്കാരിക പ്രദർശനങ്ങൾ, പരമ്പരാഗത സംഗീതം, നൃത്ത പ്രകടനങ്ങൾ എന്നിവ നിറഞ്ഞ പരിപാടി സന്ദർശകർക്ക് പ്രതീക്ഷിക്കാം. വിവിധ സംസ്‌കാരങ്ങൾക്ക് തനതായ കരകൗശല വസ്തുക്കളും രൂപകല്പനയും ഉൾക്കൊള്ളുന്ന പ്രദർശനങ്ങൾ കലാപ്രേമികൾക്ക് നൽകും. 45 ദിവസം നീണ്ടു നിൽക്കുന്ന പരിപാടിയിൽ നിരവധി കാഴ്ച്ചകൾ നിറയുന്നുണ്ട്.
ഈ മഹത്തായ സാംസ്കാരിക ആഘോഷത്തിൻ്റെ ഭാഗമാകാനുള്ള അവസരം സന്ദർശകർ നഷ്ടപ്പെടുത്തരുത്. ഈ ശനിയാഴ്ച ആരംഭിക്കുന്ന പ്രവാസി ദിനത്തിനായി അതിർത്തികൾ ഭേദിക്കുന്ന ഓർമ്മകൾ സൃഷ്ടിക്കുന്നതിനും ചുറ്റുമുള്ള നാഗരികതകൾക്കിടയിൽ പാലങ്ങൾ നിർമ്മിക്കുന്നതിനും സുഹാർ ഫെസ്റ്റിവൽ സഹായകരമാകും
എല്ലാ തലമുറകളുടെയും ആവേശമുണർത്തുന്ന ഈ മേളയിലൂടെ, തദ്ദേശീയർക്ക് പൈതൃക ആചാരങ്ങൾ തിരിച്ചറിയാനും അതുപോലെ വിദേശികൾക്ക് സൗഹൃദത്തിന് പുതിയ വാതിലുകൾ തുറക്കാനും കഴിയുന്നു. അവിസ്മരണീയമായ ആഘോഷമായിരിക്കും സുഹാർ ഫെസ്റ്റിവൽ വാഗ്ദാനം ചെയ്യുന്നത്.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
