ലഹ്‌ലി (ഹരിയാന)> രഞ്ജി ട്രോഫി ക്രിക്കറ്റ് ചരിത്രത്തിൽ ഇടംനേടി ഹരിയാന മീഡിയം പേസർ അൻഷുൽ കാംബോജ്. കേരളത്തിനെതിരായ മത്സരത്തിൽ ഒരു ഇന്നിങ്‌സിൽ 10 വിക്കറ്റെന്ന അപൂർവ നേട്ടം കൈവരിക്കുന്ന മൂന്നാമത്തെ താരമായി കംബോജ് മാറി.
രണ്ടാം ദിനം കേരളത്തിന്റെ എട്ട് വിക്കറ്റുകൾ വീഴ്ത്തിയ താരം മൂന്നാം ദിനത്തിൽ ബേസിൽ തമ്പിയെയും ഷോൺ റോജറിനെയും പുറത്താക്കിയാണ് റെക്കോഡ് സ്വന്തമാക്കിയത്. 30.1 ഓവറിൽ 49 റൺസ് മാത്രം വിട്ടുകൊടുത്താണ് കാംബോജ് പത്ത് വിക്കറ്റ് നേടിയത്. ഇതോടെ ആദ്യ ഇന്നിംങ്‌സിൽ കേരളം 291 റൺസിന് പുറത്തായി.
രോഹൻ കുന്നുമ്മൽ (55), അക്ഷയ്‌ ചന്ദ്രൻ (59), സച്ചിൻ ബേബി (52), മുഹമ്മദ് അസ്‌ഹറുദീൻ (53) എന്നിവരുടെ അര്‍ധസെഞ്ചുറിയാണ് കേരളത്തിന് കരുത്തായത്. ഷോൺ റോജർ 42 റൺസെടുത്തു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
