ബാഴ്‌സലോണ
സ്‌പാനിഷ്‌ ഫുട്‌ബോൾ ലീഗിൽ ബാഴ്‌സലോണ തകർപ്പൻ കളി തുടരുന്നു. റയൽ വല്ലാഡോലിഡിനെ ഏഴ്‌ ഗോളിന്‌ മുക്കി തുടർച്ചയായ നാലാംജയം കുറിച്ചു. ഹാട്രിക്കുമായി റഫീന്യ തിളങ്ങി. റോബർട്ട്‌ ലെവൻഡോവ്‌സ്‌കി, യൂലെസ്‌ കൗണ്ടെ, ഡാനി ഒൽമോ, ഫെറാൻ ടോറസ്‌ എന്നിവരും ഗോളടിച്ചു. 12 പോയിന്റുമായി ഒന്നാംസ്ഥാനത്താണ്‌ ബാഴ്‌സ. നിലവിലെ ചാമ്പ്യൻമാരായ റയൽ മാഡ്രിഡ്‌ മൂന്നു കളിയിൽ ഒരു ജയവുമായി അഞ്ചാംസ്ഥാനത്താണ്‌.
പുതിയ പരിശീലകൻ ഹാൻസി ഫ്ലിക്കിനുകീഴിൽ ഗോളടിച്ച്‌ മുന്നേറുകയാണ്‌ ബാഴ്‌സ. ലീഗിൽ നാലു കളിയിൽ 13 ഗോളടിച്ചു. വഴങ്ങിയത്‌ മൂന്നെണ്ണംമാത്രം. മറ്റൊരു മത്സരത്തിൽ അത്‌ലറ്റികോ മാഡ്രിഡ്‌ അത്‌ലറ്റിക്‌ ബിൽബാവോയെ ഒരു ഗോളിന്‌ വീഴ്‌ത്തി. പരിക്കുസമയം ഏഞ്ചൽ കൊറിയയാണ്‌ വിജയഗോൾ നേടിയത്‌. എട്ട്‌ പോയിന്റുമായി പട്ടികയിൽ രണ്ടാംസ്ഥാനത്തുണ്ട്‌ അത്‌ലറ്റികോ.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
