സാന്റിയാഗോ > ലോകകപ്പ് യോഗ്യത ഫുട്ബോളിൽ ലാറ്റിനമേരിക്കൻ വമ്പൻമാരായ ബ്രസീലിന് ജയം. കരുത്തരായ ചിലിയെ ഒന്നിനെതിരെ രണ്ട് ഗോളുകൾക്ക് തകർത്താണ് മഞ്ഞപ്പടയുടെ മുന്നേറ്റം. കളിയുടെ രണ്ടാം മിനിറ്റിൽ തന്നെ ചിലി മുന്നിലെത്തിയെങ്കിലും ആദ്യ പകുതി അവസാനിക്കുന്നതിന് മിനിറ്റുകൾക്ക് മുമ്പ് ബ്രസീൽ കളി തിരിച്ചുപിടിച്ചു. സ്ട്രൈക്കർ എഡ്വാർഡോ വർഗാസിന്റെ ഹെഡറിന് ഇഗോർ ജീസസാണ് സമനില ഗോൾ നേടിയത്. 89ാം മിനിറ്റിൽ പകരക്കാരനായി ഇറങ്ങിയ ലൂയിസ് ഹെന്റിക്കിലൂടെ ബ്രസീൽ വിജയഗോൾ നേടി. വിജയത്തോടെ ബ്രസീൽ പട്ടികയിൽ നാലാം സ്ഥാനത്ത് തിരിച്ചെത്തി.
മുൻ മത്സരത്തിൽ പരാഗ്വേയോടേറ്റ തോൽവിയുടെ ക്ഷീണം ബ്രസീൽ മാറ്റിയപ്പോൾ ലാറ്റിനമേരിക്കൻ വമ്പൻമാരായ അർജന്റീനയ്ക്ക് വിജയവഴിയിലെത്താനായില്ല. വെനസ്വേലയോട് 1-1 സമനില വഴങ്ങി മെസിയും സംഘവും കളി അവസാനിപ്പിക്കുകയായിരുന്നു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
