ഗുവാഹത്തി> ഇന്ത്യൻ സൂപ്പർ ലീഗിൽ നേർത്ത് ഈസ്റ്റ് യുണൈറ്റഡിനെതിരെ സമനില പിടിച്ച് കേരള ബ്ലാസ്റ്റേഴ്സ്. ഇരു ടീമുകളും ഓരോ ഗോൾ വീതം നേടി. ആദ്യ പകുതിയിൽ ഗോൾരഹിതമായ മത്സരത്തിൽ നോർത്ത് ഇസ്റ്റ് യുണൈറ്റഡാണ് ആദ്യം ഗോൾ കണ്ടെത്തിയത്.
ബ്ലാസ്റ്റേഴ്സ് ഗോൾകീപ്പർ സച്ചിൻ സുരേഷിന്റെ പിഴവാണ് ഗോളിൽ കലാശിച്ചത്. 59-ാം മിനിറ്റിൽ അലേദ്ദീൻ അജരായിയുടെ എടുക്ക ഫ്രീകിക്ക് സച്ചിന്റെ കൈയിൽനിന്ന് വഴുതി ഗോൾവര കടക്കുകയായിരുന്നു. 67-ാം മിനുട്ടിൽ നോഹ സദോയിലൂടെ ബ്ലാസ്റ്റേഴ്സ് മറുപടി നൽകി. 83-ാം മിനുട്ടിൽ നോർത്ത് ഈസ്റ്റ് താരം അഷീർ അക്തർ ചുവപ്പ് കണ്ട് പുറത്ത് പോയി.
അവസാന നിമിഷം വിജയ ഗോളിനായി ബ്ലാസ്റ്റേഴ്സ് ആഞ്ഞുശ്രമിച്ചു. എന്നാൽ മികച്ച അവസരങ്ങൾ ഗോളാക്കാനാവാത്തതോടെ സമനിലയിൽ ഒതുങ്ങി.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
