11 മിനിറ്റിനിടെ ഹാട്രിക്; മെസി മാജിക്കിൽ ഇന്റർ മയാമിക്ക് തകർപ്പൻ വിജയം

ഫ്ലോറിഡ > 11 മിനിറ്റിനിടെ ഹാട്രിക് ​ഗോളുമായി മെസി തിളങ്ങിയ മത്സരത്തിൽ ഇന്റർ മയാമിക്ക് തകർപ്പൻ ജയം. ന്യൂ ഇം​ഗ്ലണ്ട് റവല്യൂഷനെ 6-2നാണ് മയാമി തകർത്തത്. ഇതോടെ മേജർ ലീ​ഗ് സോക്കറിൽ ഏറ്റവുമധികം പോയിന്റ് നേടുന്ന ടീം എന്ന നേട്ടവും മയാമി സ്വന്തമാക്കി. 74 പോയിന്റുമായാണ് ഇന്റർ മയാമി മേജർ ലീഗ് സോക്കർ സീസൺ ഫിനിഷ് ചെയ്തത്.

രണ്ട് ​ഗോളിന് പിന്നിൽ നിന്ന ശേഷമായിരുന്നു മയാമിയുടെ തകർപ്പൻ പ്രകടനം. പകരക്കാരനായി ഇറങ്ങി മൂന്ന് ​ഗോളുകൾ നേടിയ മെസി ഒരു ​ഗോളിന് വഴിയൊരുക്കുകയും ചെയ്തു. ലൂയിസ് സുവാരസ് രണ്ട് ​ഗോൾ നേടി. ബെഞ്ചമിൻ ക്രമാഷിയാണ് മറ്റൊരു ​ഗോൾ നേടിയത്. കഴിഞ്ഞ ലോകകപ്പ് യോഗ്യതാ മത്സരത്തിലും ബോളീവിയക്കെതിരെ മെസ്സി ഹാട്രിക് നേടിയിരുന്നു.

 

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..