പാരിസ്‌
കളത്തിൽ ബ്രസീൽ ഇതിഹാസം മാർത്തയുടെ കണ്ണീർ. സ്‌പെയ്‌നിനെതിരായ വനിതാ ഫുട്‌ബോളിൽ നേരിട്ട്‌ ചുവപ്പ്‌ കാർഡ്‌ കിട്ടിയാണ്‌ മടക്കം. ഈ ഒളിമ്പിക്‌സോടെ വിരമിക്കൽ പ്രഖ്യാപിച്ച മുപ്പത്തെട്ടുകാരിയുടെ മഞ്ഞക്കുപ്പായത്തിലെ അവസാനകളിയായേക്കും ചിലപ്പോൾ ഇത്‌. സ്‌പെയ്‌നിനോട്‌ രണ്ട്‌ ഗോളിന്‌ തോറ്റെങ്കിലും ബ്രസീൽ ക്വാർട്ടറിൽ കടന്നിട്ടുണ്ട്‌. ഫ്രാൻസിനെതിരായ മത്സരത്തിൽ മാർത്തയ്‌ക്ക്‌ കളിക്കാനാകില്ല. ഇതിൽ ജയിച്ചാൽ സെമിയിൽ കളിക്കാം. തോറ്റാൽ ബ്രസീൽ പുറത്താകും.
ശനി രാത്രിയാണ്‌ ബ്രസീൽ–-ഫ്രാൻസ്‌ ക്വാർട്ടർ. സ്‌പെയ്‌ൻ കൊളംബിയയെയും അമേരിക്ക ജപ്പാനെയും ക്യാനഡ ജർമനിയെയും നേരിടും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
