ദുബായ്‌
വനിതാ ട്വന്റി20 ക്രിക്കറ്റ്‌ ലോകകപ്പിൽ കരുത്തരായ ഓസ്‌ട്രേലിയയെ അട്ടിമറിച്ച്‌ ദക്ഷിണാഫ്രിക്ക ഫൈനലിൽ. നിലവിലെ ചാമ്പ്യൻമാരും ആറ്‌ തവണ ജേതാക്കളുമായ ഓസീസിനെ എട്ട് വിക്കറ്റിനാണ്‌ ദക്ഷിണാഫ്രിക്ക തകർത്തുവിട്ടത്‌. ഞായറാഴ്‌ച നടക്കുന്ന ഫൈനലിൽ ഇന്നത്തെ വിൻഡീസ്‌–- ന്യൂസിലൻഡ് രണ്ടാം സെമി വിജയികളെ നേരിടും. ഓസീസിനെ 134 റണ്ണിൽ ഒതുക്കിയ ദക്ഷിണാഫ്രിക്കക്കാർ 16 പന്ത്‌ ബാക്കിനിൽക്കെ ലക്ഷ്യം കണ്ടു. അനെകെ ബോഷ്‌കും (48 പന്തിൽ 74*) ക്യാപ്‌റ്റൻ ലോറ വോൾവാർടും (37 പന്തിൽ 42) മിന്നി.
സ്‌കോർ: ഓസീസ്‌ 134/5 ദക്ഷിണാഫ്രിക്ക 135/2 (17.2).
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
