കൊച്ചി > ആഡംബര കാർ നിർമാതാക്കളായ മേഴ്സിഡീസ് ബെൻസ് പുതിയ ഇലക്ട്രിക് വാഹനങ്ങൾ പുറത്തിറക്കി. ഇക്യുഎ 250+, ഇക്യുബി 350–- 4എം എന്നീ പുതിയ മോഡലുകൾക്ക് അധിക റേഞ്ചും മികച്ച ഡ്രൈവിങ് അനുഭവവുമാണ് കമ്പനി വാഗ്ദാനം ചെയ്യുന്നത്.
അഞ്ചുപേർക്ക് സഞ്ചരിക്കാവുന്ന ഇക്യുഎ 250+ന് 70.5 കെഡബ്ല്യുഎച്ച് ലിഥിയം- അയൺ ബാറ്ററിയാണ് കരുത്തുപകരുന്നത്. പൂർണമായി ചാർജ് ചെയ്താൽ 560 കിലോമീറ്റർ സഞ്ചരിക്കാമെന്ന് കമ്പനി അവകാശപ്പെടുന്നു. 66 ലക്ഷം രൂപയാണ് എക്സ് ഷോറൂം വില. 66.5 കെഡബ്ല്യുഎച്ച് ബാറ്ററിയിൽ പരമാവധി 160 കിലോമീറ്റർ വേഗത്തിൽ സഞ്ചരിക്കാവുന്ന അഞ്ച് സീറ്റുള്ള ഇക്യുബി 350–-4എമ്മിന് 77.7 ലക്ഷം രൂപയും ഏഴ് സീറ്റുള്ള ഇക്യുബി 250+ന് 70.9 ലക്ഷം രൂപയുമാണ് വില. ഈ വർഷം അവസാനത്തോടെ ആറു പുതിയ മോഡലുകൾകൂടി നിരത്തിലിറക്കുമെന്നും കമ്പനി അറിയിച്ചു.
ദേശാഭിമാനി വാർത്തകൾ ഇപ്പോള് വാട്സാപ്പിലും ലഭ്യമാണ്.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..