8 ജില്ലയിൽ ചൂട‌് ഇനിയും കൂടും; താപനില 40 ഡിഗ്രി സെൽഷ്യസിലേക്ക്‌

തിരുവനന്തപുരം > സംസ്ഥാനത്ത‌് എട്ടു ജില്ലകളിൽ വെള്ളിയാഴ‌്ച പകൽ താപനില ശരാശരിയിൽ നിന്നും രണ്ടുമുതൽ മൂന്നുഡിഗ്രി വരെ ഉയരാൻ സാധ്യതയുള്ളതായി കേന്ദ്ര കാലാവസ്ഥാ വകുപ്പ‌്.

തിരുവനന്തപുരം, കൊല്ലം, പത്തനംതിട്ട,ആലപ്പുഴ, കോട്ടയം, തൃശൂർ, പാലക്കാട്, കോഴിക്കോട് ജില്ലകളിലാണ‌് കൂടുതൽ ജാഗ്രത വേണ്ടത‌്.

ഈ ജില്ലകളിൽ സൂര്യാഘാത സാധ്യതയും കൂടുതലാണ‌്. പകൽ 11 മുതൽ മൂന്നുവരെ നേരിട്ട് സൂര്യപ്രകാശം എൽക്കരുതെന്നും നിർദ്ദേശത്തിലുണ്ട‌്. കേരളത്തിൽ വേനൽമഴ 38 ശതമാനം കുറഞ്ഞതും ചൂട്‌ ഉയരാൻ കാരണമായി .

അതേസമയം ഭൂഗർഭ ജലനിരപ്പ്‌ മുൻകാലങ്ങളേക്കാൾ താഴ്‌ന്നതും ആശങ്കയുണർത്തുന്നതാണ്‌.