ബീജിങ് > കടലിൽ നിർത്തിയിട്ടിരുന്ന കപ്പലിൽ നിന്നും 8 ഉപഗ്രഹങ്ങൾ വിക്ഷേപിച്ച് ചൈന. ഷാൻഡോങ് പ്രവിശ്യയിലെ ഹൈയാങ് സീ ലോഞ്ചിൽ നിന്നുമായിരുന്നു വിക്ഷേപണം. ജൈലോങ്- 3 ( സ്മാര്‍ട് ഡ്രാഗണ്‍-3) റോക്കറ്റാണ് വിക്ഷേപിച്ചത്. റോക്കറ്റിന്റെ രണ്ടാമത്തെ വിജയകരമായ വിക്ഷേപണമാണിത്.
ചൈന എയറോസ്പേസ് സയൻസ് ആൻഡ് ടെക്നോളജി കോർപ്പറേഷനാണ് റോക്കറ്റ് വികസിപ്പിച്ചെടുത്തത്. വാണിജ്യാടിസ്ഥാനത്തില്‍ ഉപഗ്രഹങ്ങള്‍ വിക്ഷേപിക്കുന്നതിനും സമുദ്രത്തില്‍ നിന്നുള്ള വിക്ഷേപണത്തിനുമായാണ് റോക്കറ്റ് നിർമിച്ചത്. ഭൂമിയെപ്പറ്റി നിരീക്ഷിക്കാനും ആശയവിനിമയത്തിനും മറ്റ് ശാസ്ത്ര ആവശ്യങ്ങൾക്കുമായി റോക്കറ്റ് പ്രയോജനപ്പെടും.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
