അന്ന സെെക്ലിങ്ങിന്റെ ഗണിതം

Tuesday Jul 27, 2021

ടോക്യോ
വനിതകളുടെ റോഡ് റേസ് സെെക്ലിങ്ങിൽ വിസ്മയിപ്പിച്ച് ഓസ്ട്രിയക്കാരി അന്ന കിയെസെൻഹോഫെർ. ആദ്യ ഒളിമ്പിക്സിന് എത്തിയ ഈ ഗണിതശാസ്ത്ര അധ്യാപിക പ്രമുഖരെ അട്ടിമറിച്ച് സ്വർണം നേടി. 147 കിലോമീറ്റർ ദൂരം 3:52:45 സമയത്തിൽ പൂർത്തിയാക്കി. നിലവിലെ ചാമ്പ്യൻ അനെമിക് വാൻ വ്ലാടനേക്കാൾ ഒന്നര മിനിറ്റിനുമുമ്പ് വിജയവര കടന്നു. അന്ന ഒന്നാമതെത്തിയതറിയാതെ അനെമിക് ജയം ആഘോഷിച്ചതും കൗതുകമായി.  ലോക ചാമ്പ്യനും കഴിഞ്ഞ രണ്ട് ഒളിമ്പിക്സിലെ മെഡൽ ജേതാവുമാണ് അനെമിക്.
2017ലാണ് അന്ന പ്രൊഫഷണൽ താരമായത്.