ടെെസനെ ഓർമിപ്പിച്ച് യൂനസ്

Wednesday Jul 28, 2021

ടോക്യോ
ബോക്‌സിങ്‌ റിങ്ങിൽ അമേരിക്കൻ ഇതിഹാസം മെെക് ടെെസനെ അനുകരിച്ച് മൊറൊക്കോയുടെ യൂനസ് ബാല്ല. ഹെവിവെയ്റ്റ് മത്സരത്തിനിടെ എതിരാളി ന്യൂസിലൻഡിന്റെ ഡേവിഡ് നെെകയുടെ ചെവി കടിക്കാൻ ശ്രമിച്ചു. റഫറി ഉടൻ ഇടപെട്ടതുകൊണ്ട് നെെക രക്ഷപ്പെട്ടു.

1997ൽ ലോക ഹെവിവെയ്റ്റ് കിരീടപ്പോരിനിടെ ടെെസൺ ഇവാൻഡർ ഹോളിഫീൽഡിന്റെ ചെവി കടിച്ചിരുന്നു. അന്ന് 15 മാസം വിലക്കും കിട്ടി ടെെസന്‌. നെെകയ്--ക്കെതിരെ റിങ്ങിൽ എല്ലാ അടവും പുറത്തെടുത്തിട്ടും യൂനസിന് രക്ഷയുണ്ടായില്ല. 0–5ന് തോറ്റു.