ചൈനയ്‌ക്ക്‌ റെക്കോഡ്‌ ; നീന്തൽക്കുളത്തിൽ ചെെനീസ് വനിതകൾ ലോക റെക്കോഡിട്ടു

Thursday Jul 29, 2021

ടോക്യോ
നീന്തൽക്കുളത്തിൽ ചെെനയുടെ കുതിപ്പ്. വനിതകളുടെ 4x200 മീറ്റർ ഫ്രീസ്റ്റെെൽ റിലേയിൽ ചെെനീസ് വനിതകൾ ലോക റെക്കോഡിട്ടു. പുരുഷന്മാരുടെ 100 മീറ്റർ ഫ്രീസ്റ്റെെലിൽ അമേരിക്കയുടെ സുവർണതാരം കാലെബ് ഡ്രെസെൽ ഒളിമ്പിക് റെക്കോഡോടെ ഒന്നാമതെത്തി. റിലേയിൽ ചാമ്പ്യൻമാരായ ടീമിലും ഡ്രെസെൽ അംഗമായിരുന്നു. 4 x 200 റിലേയിൽ അമേരിക്കയെ പിന്നിലാക്കിയായിരുന്നു  യാങ് ജുങ്ഷുവാൻ, ഷാങ് യുഫേയി, ലി ബിങ്ജിയെ, ടാങ് മുഹാൻ എന്നിവരുൾപ്പെട്ട ചെെനീസ് ടീം ചാമ്പ്യൻമാരായത്. ഏഴ് മിനിറ്റ് 40.33 സെക്കൻഡിലാണ് ദൂരം പൂർത്തിയാക്കിയത്.