ഹോക്കിയിൽ കുതിപ്പ്

Friday Jul 30, 2021

ടോക്യോ
നിലവിലെ ജേതാക്കളായ അർജന്റീനയെ 3–1ന് തകർത്ത് ഇന്ത്യ പുരുഷ ഹോക്കി ക്വാർട്ടറിൽ. പൂൾ എയിൽ നാലിൽ മൂന്ന് ജയമായി ഇന്ത്യക്ക്. രണ്ടാം സ്ഥാനവുമായി ഒമ്പത് പോയിന്റായി. നാലിലും ജയിച്ച ഓസ്ട്രേലിയയും അവസാന എട്ടിൽ ഇടംപിടിച്ചു. ആറ് ടീമുകളാണ് പൂളിൽ. ആദ്യ നാല് സ്ഥാനക്കാർ മുന്നേറും.

അർജന്റീനയ്--ക്കെതിരെ വരുൺ കുമാറിലൂടെ ഇന്ത്യയാണ് മുന്നിലെത്തിയത്. പിന്നാലെ മെെക്കോ കസെല്ലയിലൂടെ അർജന്റീന ഒപ്പമെത്തി. വിവേക് സാഗർ പ്രസാദും, ഹർമൻപ്രീത് സിങ്ങും ഒരു മിനിറ്റിനിടെ രണ്ടടിച്ച് ഇന്ത്യക്ക് ജയമൊരുക്കി. പൂളിലെ അവസാന മത്സരത്തിൽ ഇന്ന് പകൽ മൂന്നിന് ജപ്പാനെ നേരിടും. ഇതോടെ ക്വാർട്ടർ ചിത്രം തെളിയും.