തല ഉയർത്തി 
മേരി മടങ്ങുന്നു

Thursday Jul 29, 2021

ടോക്യോ
ടോക്യോയിലെ ഇടിക്കൂട്ടിൽ ഇനി മേരി കോം ഇല്ല. ആവേശപ്പോരിൽ കൊളംബിയക്കാരി ഇൻഗ്രിറ്റ് വലെൻസിയയോട് 2–3ന് തോറ്റു. 51 കിലോഗ്രാം വിഭാഗത്തിൽ നിലവിലെ വെങ്കല ജേതാവുകൂടിയാണ് വലെൻസിയ. അവസാന എട്ടിലെത്താനുള്ള മത്സരത്തിൽ ഉശിരോടെയാണ് മേരിയും വലെൻസിയയും ഏറ്റുമുട്ടിയത്. ആദ്യ റൗണ്ടുമുതൽ കൊളംബിയക്കാരി മേധാവിത്വം പുലർത്തി. മേരി തിരിച്ചുവന്നെങ്കിലും കളിയവസാനമുള്ള കണക്കിൽ പിന്നിലായി.

ഇന്ത്യയുടെ ഉറച്ച പ്രതീക്ഷയായിരുന്നു മേരി. ആറുവട്ടം ലോകചാമ്പ്യനായ  മുപ്പത്തെട്ടുകാരി 2012 ലണ്ടൻ ഒളിമ്പിക്--സിൽ വെങ്കലവും നേടി. വിരമിക്കില്ലെന്ന് പ്രഖ്യാപിച്ചിട്ടുണ്ടെങ്കിലും മണിപ്പുരുകാരിയുടെ അവസാന ഒളിമ്പിക്‌സാകും.