ശ്രീശങ്കർ, കമൽപ്രീത്‌ ഇന്നിറങ്ങും
Friday Jul 30, 2021
photo credit olympics.com
ടോക്യോ
അത്‌ലറ്റിക്‌സിൽ ഇന്ത്യ ഇന്ന്‌ രണ്ട്‌ ഇനങ്ങളിലാണ്‌ ഇറങ്ങുക. വനിതകളുടെ ഡിസ്‌കസ്‌ത്രോയിൽ സീമ പുണിയയും കമൽപ്രീത്‌ കൗറുമുണ്ട്‌. സീമയുടെ യോഗ്യതാ മത്സരം രാവിലെ ആറിനാണ്‌. കമൽപ്രീതിന്റേത്‌ 7.25. സീമയുടെ മികച്ച ദൂരം 63.72 മീറ്ററും കമൽപ്രീതിന്റേത്‌ 66.59 മീറ്ററുമാണ്‌.
മലയാളിയായ എം ശ്രീശങ്കറിന്റെ ലോങ്‌ജമ്പ്‌ മത്സരം വൈകിട്ട്‌ 3.40നാണ്‌. അച്ഛനും കോച്ചുമായ മുൻ ട്രിപ്പിൾജമ്പ്‌ താരം എസ്‌ മുരളി ഒപ്പമുണ്ട്‌. ഇരുപത്തിരണ്ടുകാരന്റെ മികച്ച ചാട്ടം 8.26 മീറ്ററാണ്‌.