പുരുഷ ഹോക്കി ക്വാർട്ടറിൽ ഇന്ത്യ ബ്രിട്ടനോട്

Friday Jul 30, 2021

ടോക്യോ
പുരുഷ ഹോക്കി ക്വാർട്ടറിൽ ഇന്ത്യക്ക് എതിരാളി ബ്രിട്ടൻ. പൂൾ എയിൽ അഞ്ചിൽ നാലും ജയിച്ച് രണ്ടാമതായാണ് ഇന്ത്യ ആദ്യ റൗണ്ട് അവസാനിപ്പിച്ചത്. അവസാന മത്സരത്തിൽ ജപ്പാനെ 5–3ന് തകർത്തു. ബ്രിട്ടൻ പൂൾ ബിയിൽ മൂന്നാമതുമായി. നാളെ പകൽ 5.30നാണ് നിർണായക പോരാട്ടം.

ആദ്യ റൗണ്ടിൽ ഓസ്ട്രേലിയയും ബൽജിയവും കഴിഞ്ഞാൽ മികച്ച പ്രകടനം നടത്തിയ ടീമാണ് ഇന്ത്യ.  അയർലൻഡിനെ ഒരു ഗോളിന് വീഴ്ത്തി വനിതകൾ ക്വാർട്ടർ സാധ്യത നിലനിർത്തി.