സിന്ധു വെങ്കലപ്പോരിന് ഇന്നിറങ്ങും

Sunday Aug 1, 2021

ടോക്യോ > റിയോ ആവർത്തിക്കാൻ പി വി സിന്ധുവിന് കഴിഞ്ഞില്ല. വനിതാ ബാഡ്മിന്റൺ വെള്ളിമെഡൽ ജേത്രി സെമിയിൽ തോറ്റ് മടങ്ങി. ലോക ഒന്നാംനമ്പറുകാരി ചെെനീസ് തായ്--പേയുടെ തായ് സു യിങ്ങിനോട് പൊരുതാതെ കീഴടങ്ങി.

സ്--കോർ: 18–21, 12–21. നാൽപ്പതു മിനിറ്റിൽ കളി തീർന്നു. വെങ്കലത്തിനായുള്ള പോരിൽ സിന്ധു ഇന്ന് ചെെനയുടെ ഹി ബിങ്ജിയാവോയെ നേരിടും. വൈകിട്ട്‌ അഞ്ചിനാണ് മത്സരം. ലോക ബാഡ്മിന്റണിൽ സിന്ധുവിനെ എക്കാലവും വിറപ്പിച്ച പേരായിരുന്നു തായ് സു യിങ്. ഇതുവരെ കളിച്ച 19ൽ 14ലും ഇന്ത്യക്കാരി കീഴടങ്ങി. ജപ്പാന്റെ അകാനെ യമഗുച്ചിയെ തകർത്ത് എത്തിയ സിന്ധുവിന് മികവ് തുടരാനായില്ല.