ക്ഷമിക്കണം, വരാൻ വൈകും ! സാമൂഹ്യമാധ്യമങ്ങളിൽ തരംഗമായി ഷോർദ്‌ മറൈന്റെ സെൽഫി
Monday Aug 2, 2021
photo credit Sjoerd Marijne twitter
ടോക്യോ
ഇന്ത്യക്ക്‌ ഐതിഹാസിക വിജയമൊരുക്കിയ പരിശീലകൻ ഷോർദ്‌ മറൈന്റെ കണ്ണീരും സെൽഫിയും സാമൂഹ്യമാധ്യമങ്ങളിൽ തരംഗമായി. വിജയശേഷം കണ്ണീരണിഞ്ഞ്‌ കുടുംബാംഗങ്ങളോട്‌ സംസാരിക്കുന്ന വീഡിയോ പുറത്തുവന്നു. അതോടൊപ്പം കളിക്കാർക്കൊപ്പമുള്ള സെൽഫിയും. പടത്തിനൊപ്പം ‘ക്ഷമിക്കണം, നാട്ടിലേക്ക്‌ വരാൻ വൈകും’ എന്ന്‌ ഡച്ചുകാരൻ കുറിച്ചു.
2016ൽ റിയോയിൽ ദയനീയമായി പുറത്തായ ടീമിനെ മറൈൻ അവിശ്വസനീയമായി മാറ്റിയെടുത്തു. 2018ലാണ്‌ പരിശീലകനായി എത്തുന്നത്‌. മുമ്പ്‌ പുരുഷ ടീമിനേയും പരിശീലിപ്പിച്ചിട്ടുണ്ട്‌.
ഷാരൂഖ്‌ഖാന്റെ സൂപ്പർഹിറ്റ്‌ സിനിമയായ ‘ചക്‌ദേ ഇന്ത്യ’ യാഥാർഥ്യമായെന്നായിരുന്നു സാമൂഹ്യ മാധ്യമങ്ങളിലെ പ്രതികരണം. വെല്ലുവിളികൾ അതിജീവിച്ച്‌ പരിശീലകനായ കബീർഖാന്റെ കീഴിൽ ഇന്ത്യ, ഓസ്‌ട്രേലിയയെ തോൽപ്പിച്ച്‌ ലോകകിരീടം നേടുന്നതാണ് 2007ൽ പുറത്തിറങ്ങിയ സിനിമയിലെ പ്രമേയം.