ബ്രസീൽ–സ്‌പെയ്ൻ ഫെെനൽ

Wednesday Aug 4, 2021

ടോക്യോ
ഒളിമ്പിക് പുരുഷ ഫുട്ബോൾ ഫെെനലിൽ വമ്പൻമാരുടെ പോരാട്ടം. നിലവിലെ ചാമ്പ്യൻമാരായ ബ്രസീൽ സ്--പെയ്നിനെ നേരിടും. ശനിയാഴ്--ചയാണ് കലാശപ്പോരാട്ടം. വനിതകളുടെ ഫെെനലിൽ വെള്ളിയാഴ്ച സ്വീഡൻ ക്യാനഡയുമായി ഏറ്റുമുട്ടും.

സെമിയിൽ എളുപ്പമായിരുന്നില്ല ബ്രസീലിനും സ്--പെയ്നിനും. ഷൂട്ടൗട്ടുവരെ നീണ്ട കളിയിൽ മെക്--സിക്കോയെയാണ് ബ്രസീൽ കീഴടക്കിയത് (4–1). ബ്രസീലിനായി കിക്കെടുത്ത എല്ലാവരും ലക്ഷ്യം കണ്ടു. മെക്സിക്കോയുടെ എഡ്‌വർഡോ അഗ്വറോയുടെ കിക്ക് ബ്രസീൽ ഗോളി സാന്റോസ് തടുത്തിട്ടു. മറ്റൊന്ന് പോസ്റ്റിൽ തട്ടി മടങ്ങി. സ്--പെയ്ൻ ആതിഥേയരായ ജപ്പാനെ അധികസമയത്തെ ഗോളിലാണ് മറികടന്നത് (1–0).