ചരിത്രത്തിലേക്ക് 
ഒരു സ്റ്റിക്ക് ; ഇന്ത്യൻ വനിതകൾ ഇന്നിറങ്ങും

Wednesday Aug 4, 2021

photo credit hockey india twitter

ടോക്യോ
ചരിത്രഫെെനൽ ലക്ഷ്യമിട്ട് ഇന്ത്യൻ വനിതകൾ ഇന്നിറങ്ങും. വനിതാ ഹോക്കി സെമിയിൽ അർജന്റീനയാണ് എതിരാളി. വൈകിട്ട്‌ 3.30നാണ് കളി. ക്വാർട്ടറിൽ മൂന്നുവട്ടം ചാമ്പ്യൻമാരായ ഓസ്ട്രേലിയയെ വീഴ്ത്തിയ  ആത്മവിശ്വാസവുമായാണ് റാണി രാംപാൽ നയിക്കുന്ന ഇന്ത്യ എത്തുന്നത്. ജർമനിയെ തകർത്താണ് അർജന്റീനയുടെ വരവ്‌.

അർജന്റീന നിലവിൽ രണ്ടാം റാങ്കുകാരാണ്. ഇന്ത്യ ഏഴാമതും. ഗോൾകീപ്പർ സവിത പൂണിയ, ക്യാപ്റ്റൻ റാണി രാംപാൽ എന്നിവരിലാണ് പ്രതീക്ഷ. മുന്നേറ്റക്കാരി അഗസ്റ്റീന ആൽബർടേറിയോയാണ് അർജന്റീനയുടെ കരുത്ത്. നെതർലൻഡ്സും ബ്രിട്ടനും തമ്മിലാണ് മറ്റൊരു സെമി.