ഹൃദയത്തിൽ ഈ സ്റ്റിക്ക്

Friday Aug 6, 2021

ബ്രിട്ടനോട് തോറ്റപ്പോൾ കണ്ണീരോടെ ഇന്ത്യൻ താരങ്ങൾ photo credit hockey india twitter

ടോക്യോ
തോറ്റു. പക്ഷേ ഹൃദയം കീഴടക്കി. വെങ്കലമത്സരത്തിൽ ബ്രിട്ടനോട് 3–4ന് പൊരുതിത്തോറ്റ ഇന്ത്യൻ വനിതാ ഹോക്കി ടീം തലയുയർത്തി ടോക്യോയിൽനിന്ന് മടങ്ങി. മൂന്നാം ഒളിമ്പിക്സിനെത്തിയ വനിതകളുടെ എക്കാലത്തെയും മികച്ച പ്രകടനമാണ് ഈ നാലാംസ്ഥാനം.

റിയോ ഒളിമ്പിക്സിൽ ചാമ്പ്യൻമാരായിരുന്ന ബ്രിട്ടനെ വിറപ്പിച്ചാണ് ഇന്ത്യ കീഴടങ്ങിയത്. രണ്ട് ഗോളിന് പിന്നിട്ടുനിന്നശേഷം മൂന്നടിച്ച് മുന്നിലെത്തി. പക്ഷേ, കളിയവസാനം വീണു. ഗുർജിത് കൗർ ഇരട്ടഗോൾ നേടിയപ്പോൾ വന്ദന കടാരിയ മറ്റൊന്നടിച്ചു. മേളയിൽ മങ്ങിയ തുടക്കമായിരുന്നു ഇന്ത്യക്ക്. മൂന്ന് തുടർത്തോൽവികൾ. പൂളിലെ അവസാന രണ്ട് കളി ജയിച്ചു.ക്വാർട്ടറിൽ മൂന്നുവട്ടം ചാമ്പ്യൻമാരായ ഓസ്ട്രേലിയയെ വീഴ്‌ത്തി. സെമിയിൽ അർജന്റീനയോട് ഉജ്വല പ്രകടനത്തിനുശേഷം കീഴടങ്ങി.
അർജന്റീനയെ 3–1ന് തകർത്ത് നെതർലൻഡ്സ് സ്വർണം നേടി.