10 മെഡൽ, 
ഫെലിക്‌സ്‌ ചരിത്രം

Friday Aug 6, 2021

photo credit olympics.com

ടോക്യോ
ഒളിമ്പിക്സിൽ അല്ലിസൺ ഫെലിക്സിന് ചരിത്രനേട്ടം. 400 മീറ്ററിൽ വെങ്കലം നേടി, ഒളിമ്പിക്സിൽ ആകെ 10 മെഡലുകൾ അമേരിക്കക്കാരി സ്വന്തം പേരിലാക്കി. ഈ നേട്ടം കെെവരിക്കുന്ന ആദ്യ വനിതാ അത്‌ലീറ്റ്. മുൻ ജമെെക്കൻ താരം മെർലിൻ ഓട്ടിയെയാണ് മറികടന്നത്. കാൾ ലൂയിസിന്റെ നേട്ടത്തിനൊപ്പവുമെത്തി. 12 മെഡലുകളുള്ള പാവോ നൂർമിയാണ്‌ മുന്നിൽ.

ഫെലിക്സിന്റെ നാലാം ഒളിമ്പിക്സായിരുന്നു ഇത്. അമ്മയായതിനുശേഷമുള്ള ആദ്യത്തേത്.  ഇതുവരെ ആറ് സ്വർണവും മൂന്ന് വെള്ളിയും ഒരു വെങ്കലവും സ്വന്തമാക്കി.  ഇന്ന് നടക്കുന്ന 4–400 മീറ്റർ റിലേയിലും മെഡൽ നേടിയാൽ മുപ്പത്തഞ്ചുകാരിക്ക് കാൾ ലൂയിസിനെയും മറികടക്കാം. 400ൽ ബഹാമാസിന്റെ ഷോണിയെ മില്ലെർ ഉയ്ബോ സ്വർണം നേടി.