ഏഴാം തവണയും 
അമേരിക്കയ്‌ക്ക്‌ സ്വർണം

Monday Aug 9, 2021

ടോക്യോ
ഒളിമ്പിക്‌സ്‌ പുരുഷ, വനിതാ ബാസ്‌കറ്റ്‌ബോളിൽ അമേരിക്ക സ്വർണം നേടി. പുരുഷന്മാർ ഫ്രാൻസിനെ കീഴടക്കിയപ്പോൾ (87–-82) വനിതകൾ ജപ്പാനെ (90–-75) തോൽപ്പിച്ചു. വനിതകളുടെ തുടർച്ചയായ ഏഴാം സ്വർണമാണ്‌. 1992 ഒളിമ്പിക്‌സ്‌ സെമിയിലാണ്‌ അവസാനമായി തോറ്റത്‌. പിന്നീട്‌ 55 ഒളിമ്പിക്‌സ്‌ മത്സരങ്ങളിൽ തോറ്റില്ല.

വനിതാ വോളിബോളിലും അമേരിക്ക സ്വർണം നേടി. ഫൈനലിൽ ബ്രസീലിനെ തോൽപ്പിച്ചു. പുരുഷ സ്വർണം ഫ്രാൻസിനാണ്‌. റഷ്യൻ ഒളിമ്പിക്‌ കമ്മിറ്റിക്ക്‌ വെള്ളി.  ഹാൻഡ്‌ബോളിൽ ഫ്രാൻസ്‌ ഡബിൾ തികച്ചു. പുരുഷന്മാർ ഡെൻമാർക്കിനെയും വനിതകൾ റഷ്യൻ ഒളിമ്പിക്‌ കമ്മിറ്റിയെയും പരാജയപ്പെടുത്തി.