പറന്നിറങ്ങി താരങ്ങൾ ; ഇന്ത്യൻ താരങ്ങൾക്ക് സ്വീകരണം

Monday Aug 9, 2021

ന്യൂഡൽഹി
സുവർണ നേട്ടവുമായി തിരിച്ചെത്തിയ ഇന്ത്യൻ ഒളിമ്പിക്‌സ്‌ സംഘത്തിന്‌ രാജകീയ സ്വീകരണം. സ്വർണമെഡൽ ജേതാവ് നീരജ് ചോപ്ര ഉൾപ്പെടെ  അവസാന സംഘവും നാട്ടിലെത്തി. അത്--ലറ്റിക്സ്, ഗുസ്തി, ഹോക്കി തുടങ്ങിയ ടീമുകളാണ് പ്രത്യേക വിമാനത്തിൽ എത്തിയത്. ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ വൻ വരവേൽപ്പായിരുന്നു. ബാൻഡ്‌ വാദ്യവും പ്ലക്കാർഡുകളുമായി കായികപ്രേമികളെത്തി. ദേശീയപതാക വീശിയും താരങ്ങളെ ചേർത്തുപിടിച്ചും സന്തോഷം പങ്കിട്ടു.

നീരജ് ഉൾപ്പെടെയുള്ള താരങ്ങളെ എടുത്തുയർത്തിയും ഹാരമണിയിച്ചും മധുരം വിതരണം ചെയ്തും ആരാധകർ സ്നേഹം പ്രകടിപ്പിച്ചു. മെഡൽ ജേതാക്കളായ ഗുസ്തിക്കാർ രവികുമാർ ദഹിയ, ബജ്റങ് പൂണിയ, വനിതാ ബോക്സർ ലവ്--ലിന ബൊർഗോഹെയ്ൻ, പി ആർ ശ്രീജേഷ്‌ ഉൾപ്പെട്ട പുരുഷ ഹോക്കി ടീം എന്നിവരെല്ലാം സ്വീകരണം ഏറ്റുവാങ്ങി.