നഗരം കണ്ട്‌ സവിശേഷ താരങ്ങൾ
Wednesday Nov 6, 2024
കൊച്ചി
സവിശേഷ പരിഗണന അർഹിക്കുന്ന കുട്ടികൾക്കായി നഗരസൗന്ദര്യം ആസ്വദിക്കാൻ യാത്രകളൊരുക്കി സംസ്ഥാന സ്കൂൾ കായികമേള ഗതാഗത കമ്മിറ്റി. കെഎസ്ആർടിസിയുടെ എസി ലോ ഫ്ലോർ ബസിൽ മറൈൻഡ്രൈവ്, ഗോശ്രീ പാലം, ഫോർട്ട്‌ കൊച്ചി തുടങ്ങിയ പ്രദേശങ്ങളിലൂടെ നഗരസൗന്ദര്യവും കായൽക്കാഴ്ചകളും ആസ്വദിച്ചുള്ള യാത്ര കുട്ടികൾക്ക് മറക്കാനാകാത്ത അനുഭവമായി.
പൊതുവിദ്യാഭ്യാസമന്ത്രി വി ശിവൻകുട്ടി യാത്ര ഫ്ലാഗ് ഓഫ് ചെയ്തു. ഗതാഗത കമ്മിറ്റി ചെയർമാൻ അനൂപ് ജേക്കബ് എംഎൽഎ പങ്കെടുത്തു. കുട്ടികൾക്കായി നടത്തിയ മെട്രോ യാത്ര കലൂർ ജവാഹർലാൽ നെഹ്‌റു സ്റ്റേഡിയം മെട്രോ സ്റ്റേഷനിൽ കെഎംആർഎൽ എംഡി ലോക്‌നാഥ് ബെഹ്‌റ ഫ്ലാഗ് ഓഫ് ചെയ്തു. കലക്ടർ എൻ എസ്‌ കെ ഉമേഷ്‌, ഗതാഗത കമ്മിറ്റി കൺവീനർ സിനോജ് ജോർജ്, ജോയിന്റ് കൺവീനർ ഡോ. ബിനോയ് സ്‌കറിയ തുടങ്ങിയവർ പങ്കെടുത്തു.