പാട്ടുകേട്ട്‌ രുചികളറിയാം
Thursday Nov 7, 2024
കൊച്ചി
ട്രാക്കിൽ തീപാറുന്ന മത്സരങ്ങളാണെങ്കിൽ കലവറയിലാകട്ടെ പാട്ടും താളവുമായി ഒരുകൂട്ടം കലാസ്‌നേഹികൾ. ഭക്ഷണ കമ്മിറ്റിക്ക്‌ നേതൃത്വം നൽകുന്ന കെഎസ്‌ടിഎയും മേളയുടെ കല–-സാംസ്‌കാരിക കമ്മിറ്റിയും ചേർന്നാണ്‌ മഹാരാജാസ് കോളേജ് ഗ്രൗണ്ടിനടുത്തുള്ള കലവറയിൽ സംഗീതവിരുന്ന്‌ ഒരുക്കിയിട്ടുള്ളത്‌. ചൂടേറിയ ട്രാക്കിൽനിന്ന്‌ എത്തുന്നവർക്ക്‌ മത്സരത്തിന്റെ പിരിമുറുക്കങ്ങൾ ഏതുമില്ലാതെ ഭക്ഷണശാലയിലിരിക്കാം. രാവിലെമുതൽതന്നെ മത്സരാർഥികളും അധ്യാപകരും രക്ഷിതാക്കളുമെല്ലാം പാട്ടുമായി സജീവമാണ്. മഹാരാജാസ് കോളേജ് യൂണിയന്റെ നേതൃത്വത്തിൽ കലാകാരന്മാർ അണിനിരന്ന മ്യൂസിക് നൈറ്റും നടന്നു.