‘പറളിക്കാറ്റിൽ’ പാലക്കാട്‌
Thursday Nov 7, 2024
പറളി ടീമിനൊപ്പം കോച്ച്
പി ജി മനോജും
ഒളിമ്പ്യൻ മേഴ്സി കുട്ടനുംപറളി, മുണ്ടൂർ, വടവന്നൂർ, ചിറ്റൂർ, മാത്തൂർ.... നാലാംകിരീടം ലക്ഷ്യമിട്ടുവരുന്ന പാലക്കാടിനെ ചാമ്പ്യന്മാരാക്കാൻ പോന്ന സ്‌കൂളുകളുടെ കരുത്തുറ്റനിര. പറളിയാണ്‌ പാലക്കാടിന്റെ കരുത്ത്‌. പി ജി മനോജിന്റെ ശിക്ഷണത്തിൽ 25 അംഗ സംഘമാണ്‌ പറളിക്കുള്ളത്‌. വടവന്നൂർ വിഎം എച്ച്‌എസ്‌എസിൽനിന്നുള്ള താരങ്ങൾ ഹർഡിൽസിൽ ജില്ലയുടെ ഉറച്ച മെഡൽ പ്രതീക്ഷയാണ്‌. മുണ്ടൂർ സ്‌കൂളിലെ താരങ്ങൾ ദീർഘദൂരത്തിൽ മെഡൽ കെൽപ്പുള്ളവരാണ്‌. പത്ത്‌ വർഷത്തിലധികമായി പറളിയുടെ മുന്നേറ്റത്തിൽ പ്രധാന പങ്കുവഹിച്ച കല്ലടി എച്ച്‌എസ്‌എസ്‌ കുമരംപുത്തൂരിന്‌ ഇത്തവണ കാര്യമായ ടീമില്ല. ഏഴുപേർ മാത്രമാണ്‌ കല്ലടിയിൽനിന്ന്‌ മേളയ്‌ക്ക്‌ വരുന്നത്‌.