തോമസ്‌ മാഷ്‌ വരില്ല
Thursday Nov 7, 2024
കൊച്ചി
കെ പി തോമസ്‌ മാഷ്‌–-കേരള സ്കൂൾ അത്‌ലറ്റിക്‌സിൽ പരിചയപ്പെടുത്തൽ ആവശ്യമില്ലാത്ത പേരാണ്‌. 45 വർഷമായി സംസ്ഥാന സ്കൂൾ മീറ്റിലെ സജീവ സാന്നിധ്യമായ മാഷ്‌ ഇക്കുറി വരുന്നില്ല. 16 വർഷം കോരുത്തോട്‌ സികെഎം എച്ച്എസിനെ സംസ്ഥാനത്തെ ചാമ്പ്യൻ കിരീടം ചൂടിച്ചാണ്‌ മലയാളിയുടെ കായികഹൃദയത്തിൽ ഇടംനേടിയത്‌. 16 വർഷത്തെ പട്ടാളജീവിതം അവസാനിപ്പിച്ച്‌ 1979ൽ കോരുത്തോട്‌ സ്‌കൂളിൽ അധ്യാപകനായി.
2000ൽ ജോലിയിൽനിന്ന്‌ വിരമിച്ച അദ്ദേഹം തുടർന്ന്‌ ഏന്തയാർ ജെജെ മർഫി സ്കൂൾ, വണ്ണപ്പുറം എസ്‌എംവി എച്ച്എസ്‌എസ്‌ എന്നിവിടങ്ങളിൽ പരിശീലകനായി. 2019 മുതൽ പൂഞ്ഞാർ എസ്‌എംവി എച്ച്‌എസ്‌എസിൽ പ്രവർത്തിച്ചിരുന്ന അക്കാദമിയുടെ പ്രവർത്തനം കഴിഞ്ഞ അധ്യയനവർഷത്തോടെ അവസാനിപ്പിച്ച്‌ വിശ്രമത്തിലേക്ക്‌ മാറി. രാജ്യം ദ്രോണാചാര്യ പുരസ്‌കാരം നൽകി ആദരിച്ചിട്ടുണ്ട്‌.