റെക്കോഡിട്ടാൽ 
വിജിലയുടെ 
പണക്കിഴി

Thursday Nov 7, 2024

കണ്ണൂർ
സംസ്ഥാന സ്‌കൂൾ കായികമേളയിൽ സീനിയർ പെൺകുട്ടികളുടെ 400 മീറ്റർ ഹർഡിൽസിൽ റെക്കോഡിട്ടാൽ 5001 രൂപ സമ്മാനം. നിലവിലെ റെക്കോഡുകാരി കെ ജെ വിജിലയാണ്‌ പാരിതോഷികം പ്രഖ്യാപിച്ചത്‌. 23 വർഷംമുമ്പ് വിജില സ്ഥാപിച്ച റെക്കോഡിന് ഇതുവരെയും ഇളക്കം തട്ടിയിട്ടില്ല.

കോട്ടയത്ത്‌ 2001ൽ നടന്ന സംസ്ഥാന സ്‌കൂൾ കായികമേളയിലാണ്‌ ഒരു മിനിറ്റ്‌ 01.07 സെക്കൻഡിൽ പുതിയ റെക്കോഡിട്ടത്‌. അന്ന്‌ തൃശൂർ സായി താരമായി വില്ലടം എച്ച്എസ്എസിലായിരുന്നു. അതേ വർഷം 400 മീറ്ററിൽ വിജില കുറിച്ച റെക്കോഡ് പിന്നീട് തകർക്കപ്പെട്ടു. കണ്ണൂർ റെയിൽവേ പാർസൽ ഓഫീസിൽ ചീഫ് കമേഴ്സ്യൽ ക്ലർക്കാണ് വിജില.