ഈ നാദം അച്ഛന്‌ വെളിച്ചമായി
Friday Jan 6, 2023
ആദർശ്‌ രാജും അച്ഛൻ സി ആർ ജയരാജനുംശ്രുതി തെറ്റാതെ, താളംപിഴയ്‌ക്കാതെ ഓടക്കുഴലിലും നാഗസ്വരത്തിലും ക്ലാര്‍നെറ്റിലും
ആദര്‍ശ്‌രാജ്‌ നിറഞ്ഞു. മൂന്നിനത്തിലും എ ഗ്രേഡ്‌ നേടി. ആ ആഹ്ലാദം ഗുരുവായ അച്ഛൻ അകക്കണ്ണാൽ അറിഞ്ഞു. വയനാട് മാനന്തവാടി എംജിഎംഎച്ച്എസ്എസിലെ പ്ലസ് വൺ വിദ്യാർഥിയാണ്‌ ആദര്‍ശ്‌രാജ്‌.
പനവല്ലി ജിയുപി സ്കൂൾ അധ്യാപകനാണ്‌ സി ആര്‍ ജയരാജൻ. കാഴ്‌ചയില്ലെങ്കിലും സംഗീതത്തിന്റെ വെളിച്ചമാണ് കരുത്ത്‌. ചെറുപ്പത്തിൽ ശാസ്ത്രീയമായി സംഗീതം പഠിച്ചിട്ടുണ്ട്‌. മകന്‌ അഞ്ചാംക്ലാസുമുതൽ അത്‌ പകർന്നു. തെയ്യം കലാകുടുംബമായതിനാൽ അമ്മാവനൊപ്പം തെയ്യക്കാവുകളിലും ആദര്‍ശ് പോകാറുണ്ട്‌. പനവല്ലി ജിയുപി സ്കൂൾ അധ്യാപിക സീമയാണ്‌ ആദര്‍ശിന്റെ അമ്മ. സഹോദരൻ ആനന്ദ്‌രാജ്‌.